राष्ट्रिय प्रजातन्त्र पार्टीका संस्थापक सदस्य, वरिष्ठ नेता, कार्यसम्पादन समिति सदस्य, पूर्वमन्त्री बालाराम घर्ती मगरको शुक्रबार भएको दु:खद निधनबाट स्तब्ध छौं। दिवंगत आत्माको चिर शान्तिको कामना गर्दै भावपूर्ण श्रद्धान्जली अर्पण गर्दछौं ।

राप्रपा निर्माणमा स्व. घर्ती मगरको योगदान सम्मानपूर्वक सदैव स्मरणमा रहिरहनेछ। उहाँको निधनबाट राप्रपा र नेपालको देशभक्तिपूर्ण आन्दोलनमा ठूलो क्षति पुगेको छ। पटकपटक रोल्पाबाट निर्वाचित हुनुभएका स्व. घर्ती मगर विकासप्रेमी र लोकप्रिय जनप्रतिनिधिको रुपमा परिचित हुनुहुन्थ्यो।

शोकको यस घडीमा शोकसन्तप्त परिवारमा गहिरो समवेदना प्रकट गर्दछौं।

दिवंगत नेता स्व. घर्ती मगरको पार्थिव शरिरलाई असार ३१ गते मंगलबार बिहान १० बजेदेखि १२ बजेसम्म चाबहिलस्थित राप्रपा केन्द्रीय कार्यालयमा राखिनेछ र त्यसैदिन पशुपति आर्यघाटमा अन्तिम संस्कार गरिनेछ।